В своем завещании Дмитрий Донской во многом повторяет распоряжения своих предков. Он «приказывает» Москву своим четырем сыновьям. За Владимиром Андреевичем Хоробрым сохраняется право на владение «третью» городских доходов.

Дмитрий Иванович прямо называет своим наследником старшего сына Василия. Именно он должен был стать после смерти отца великим князем Московским. Однако в грамоте есть любопытная оговорка. В случае, если Василий умрет, ему должен наследовать следующий сын Дмитрия Донского по старшинству, а не сын Василия. Вспомним, что Василий Дмитриевич был женат на дочери великого князя литовского Витовта, причем сам Дмитрий Донской этого брака не одобрял. Видимо, Дмитрий Иванович опасался, что если на великом княжении окажется внук князя Витовта, то все Московское княжество может уйти под власть Литвы.

Этими опасениями за целость московских владений объясняется та руководящая роль, которую Дмитрий Иванович предоставляет своей жене. Власти матери подчинен и Василий Дмитриевич.

Духовная грамота великого князя Дмитрия Ивановича (1389 год)

Во имя Отца и Сына и Святого Духа, се Аз, грешный худой раб божий Дмитрий Иванович, пишу грамоту душевную целый своим умом. Даю ряд сыном своим и своей княгине.

Приказываю детей своих своей княгине. А вы, дети мои, живите заедино, а матери своей слушайте во всем.

А приказываю отчину свою Москву детям своим, князю Василию, князю Юрию, князю Андрею, князю Петру. А брат мои, князь Владимир, ведает свою треть, чем его благословил отец его, князь Андрей. А сына своего, князя Василия, благословляю на старший путь в городе и в станах моего удела двою жеребьев половина, а трем сыном моим половина, и в пошлинах в городских половина. А тамга из двою моих жеребьев княгине моей половина, а сыном моим половина. А восмьничее мои два жеребья княгине моей. А на старший путь сыну моему, князю Василию, Василцево сто и Добрятиньская борть с селом с Добрятиньским. А бортъницы в станах в городских, и конюший путь, и соколничии, и ловчии, тем сынове мои поделятся ровно. А численных людей моих двою жеребьев сыном моим по частем, а блюдут с единого.

А се даю сыну своему, князю Василию, Коломну со всеми волостями, и с тамгою, и с мыты, и с бортью, и с селами, и со всеми пошлинами. А волости Коломеньские: Мещерка, Раменка, Песочна, Брашева с селцем с Гвоздною и с Иванем, Гжеля, деревни Левичин, Скулнев, Маковец, Канев, Кочема, Комарев с берегом, Городна, Похряне, Усть-Мерьско. А из Московъских сел даю сыну своему, князю Василию: Митин починок, Малаховъское, Костянтиновъское, Жырошкины деревни, Островъское, Орининьское, Копотеньское, Хвостовъское, у города луг Великии за рекою. А из Юрьевъских сел даю сыну своему, князю Василью: своего прикупа Красное село с Елезаровъским, с Проватовым, да село Васильевъское в Ростове.

А се даю сыну своему, князю Юрию, Звенигород со всеми волостями, и с тамгою, и с мыты, и с бортью, и с селы, и со всеми пошлинами. А волости Звенигородские: Скирменово с Белми, Тростна, Негуча, Сурожык, Замошъская слобода, Юрьева слобода, Руза городок, Ростовци, Кремична, Фоминьское, Угож, Суходол с-Ыстею, с Истервою, Вышегород, Плеснь, Дмитриева слободка. А из Московъских сел даю сыну своему, князю Юрию: село Михалевъское, да Домантовъское, да луг Ходыньскии. А из Юрьевских сел ему: прикупа моего село Кузмыдемъяньское, да Красного села починок за Везкою придал есм к Кузмыдемъяньскому, да село Богородицьское в Ростове.

А се даю сыну своему, князю Аньдрею, Можаеск со всеми волостми, и с тамгою, и с мыты, и с бортью, и с селы, и со всеми пошлинами, и с отьездными волостями. А волости Можаиские: Исмея, Числов, Боянь, Берестов, Поротва, Колоча, Тушков, Вышнее, Глиньское, Пневичи с Загорьем, Болонеск. А Коржань да Моишин холм придал есмь к Можаиску. А се волости отъездные: Верея, Рудь, Гордошевичи, Гремичи, Заберега, Сушов, да село Репиньское, да Ивановъское Васильевича в Гремичах. А Колуга и Роща сыну же моему, князю Андрею… А из Московских сел ему: Напрудьское село да Луциньское на Яузе с мелницею, Деуниньское, Хвостовьское в Перемышле, да луг Боровъскии, а другии противу Воскресенья. А из Юрьевских сел ему Олексиньское село на Пекше.

А се даю сыну своему, князю Петру, Дмитров со всеми волостями, и с селами, и со всеми пошлинами, и с тамгою, и с мыты, с бортью. А се Дмитровские волости: Вышегород, Берендеева слобода, Лутосна с отъездцем, Инобаш. А из Московских волостей князю Петру: Мушкова гора, Ижво, Раменка, слободка княжа Иванова, Вори, Корзенево, Рогож, Загарье, Вохна, Селна, Гуслеця, Шерна городок. А из Московских сел князю Петру: Новое село, Сулншин погост. А из Юрьевских сел ему прикупа моего село Богородицьское на Богоне.

А се даю сыну своему, князю Ивану: Раменеице с бортники и что к нему потягло, да Зверковъское село с Сохоньским починком, что отошло ото князя от Владимира. А Сохна сыну же моему, князю Ивану. А в том уделе волен сын мои, князь Иван, который брат до него будет добр, тому даст.

А се благословляю сына своего, князя Василия, своею отчиною, великим княженьем.

А сына своего благословляю, князя Юрия, своего деда куплею, Галичем, со всеми волостями, и с селами, и со всеми пошлинами, и с теми селами, которые тягли к Костроме, Микульское и Борисовское.

А сына своего, князя Андрея, благословляю куплею же деда своего, Белым озером, со всеми волостями, и Вольским с Шаготью, и Милолюбскии, и с слободками, что были детей моих.

А сына своего, князя Петра, благословляю куплею же своего деда, Углечем полем, и что к нему потягло, да Тошною и Сямою.

А се даю своей княгине из великого княженья у сына у своего, у князя у Василия, из Переяславля Юлку, а из Костромы Иледам с Комелою, а у князя у Юрия из Галича Соль, у князя у Андрея из Белоозера Вольское с Шаготью и Милолюбьскии ез. А из Володимерских сел княгине моей Ондреевьское село, а из Переяславских сел Доброе село, и что к ним потягло. А из удела сына своего, княжа Васильева: Канев, Песочну, а из сел Малиньское село, Лысцево. А из княжа удела из Юрьева: Юрьева слобода, Суходол с Иетею, с Истервою, да село Андреевское, да Каменьское. А изо княжа удела из Оньдреева: Верея, да Числов, да село Луциньское на Яузе с мельницею. А из княжа удела из Петрова: Ижво да Сяма. А что есм дал своей княгине из удела сына своего, княжа Васильева и изо княжа из Юрьева, изо княжа из Оньдреева, изо княжа из Петрова, волости и села, а что Бог розмыслит о моей княгине, и те волости и села во чьем уделе, то тому и есть.

А се даю своей княгине: свои примысл Скирменовъскую слободку с Шепковым, Смоляные с Митяевъским починком, и с бортью, с Вышегородскими бортники, Кропивну с бортники, с Кропивеньскими и с Исменьскими, и с Городошевскими, и с Рудьскими, Желескова слободка с бортью, с Ивановым селом с Хороброва, Исконьская слободка, Кузовская слободка, и что княгини моей прикуп, и что к ней потянуло, то моей княгине. А по которая места слободские волостели судили те слободы при мне, и княгини моей волостели судят по та же места, как было при мне. А что княгини моей купля Лохно, то ее и есть. А на Коломне мои примысл Самоилецев починок с деревнями, Савельевскии починок, Микульское село, Бабышево, Ослебятевское, а то княгини моей. А что ее село Репеньское и прикуп, то ее и есть. А из Московских сел даю своей княгине: Семциньское село с Ходыньскою мельницею, да Остафьевское село, да Илмовьское. А из Юрьевских сел даю ей: куплю свою Петровское село, да Фроловское, да Елох. А Холхол и Заячков, то моей княгине. А что ми дала княгини Федосья Суду на Белеозере, да Колашну, и Слободку, и что благословила княгиню мою Городком да Волочком, та места ведает княгиня Федосья до своего живота, а по ее животе то княгине моей. А теми своими примыслы всеми благословляю княгиню свою, а в тех примыслех волна моя княгини, сыну ли которому даст, по души ли даст. А дети мои в то не вступаются.

А которые деревни отнимал был князь Владимир от Лыткиньского села княгини моей к Берендееве слободе, а те деревни потянут к Лытъкиньскому селу моей княгини.

А по грехом, которого сына моего Бог отнимет, и княгиня моя поделит того уделом сынов моих. Которому что даст, то тому и есть, а дети мои из ее воли не вымутся.

А даст ми Бог сына, и княгини моя поделит его, взяв по части у больших его братьев.

А у которого сына моего убудет отчины, чем есм его благословил, и княгини моя поделит сынов моих из их уделов. А вы, дети мои, матери слушайте.

А по грехом отнимет Бог сына моего, князя Василия, а кто будет под тем сын мой, ино тому сыну моему княжеский Васильев удел, а того уделом поделит их моя княгиня. А вы, дети мои, слушайте своей матери, что кому даст, то тому и есть.

А коли детям моим взяти дань на своей отчине, чем есм их благословил, и сын мои, князь Василий, возьмет с своего удела с Коломны и со всех Коломенских волостей триста руб. и сорок и два руб. и княгиня моя даст ему в то серебро с Песочны 50 руб. без 3, а с Канева двадцать руб. и два руб. А князь Юрий возьмет с Звенигорода и со всех с Звенигородских волостей двести руб. и семьдесят руб. и два руб., и княгиня моя даст ему в то серебро с Юрьевы слободы пятьдесят руб., а с Суходола полпятадесять руб., а с Смоляных 9 руб., а с Скирменовъские слободки 9 руб. А князь Андрей возьмет с Можайска и со всех волостей Можайских сто руб. и семьдесят руб. без трех, а с отъезных мест семьдесят руб. без двух, и княгиня моя даст ему в то серебро двадцать руб. и полтретья руб. с Вереи, а с Числова полста руб., а с Заячкова двадцать руб. и два, с Холъхла десять руб., с Желесковы 9 руб., с Исконьские слободки пол-сема руб., с Кропивны полсема руб. А князь Петр возьмет с своего удела сто руб. и одиннадцать, и княгння моя даст ему в то серебро с Ижва тридцать руб. А князь Иван даст князю Василию с Сохны пять руб., а с Раменеиця даст князю Петру пять руб. А то возьмут в тысячу руб., а будет боле или меньше, ино по тому расчету.

А переменит Бог Орду, дети мои не имут давати выхода в Орду, и который сын мой возьмет дань на своем уделе, то тому и есть. А что есм подавал своей княгине волости и села из уделов детей своих, и свои примысл, и слободы, и села, и Холхол, и Заячков, а с тех волостей, и с слобод, и с сел что возьмет княгини моя, то ей и есть. А дети мои в то не вступаются.

А из тех волостей, и слобод, и сел, что есм вынимал у детей своих из уделов, а подавал княгине своей, а кому будет жалоба сиротам на волостели, и тем людям учинит исправу княгиня моя. А дети мои в то не вступаются.

А что есм дал сыну своему, князю Андрею, Заберегу, за то дети мои все дают оброк святому Спасу пятнадцать руб. на год на спасов день.

А се благословляю детей своих. Сыну моему старшему, князю Василию: икона Парамшина дела, цепь золота, что ми дала княгиня Василиса, пояс золот велики с каменьем без ремени, пояс золот с ременем Макарова дела, бармы, шапка золота.

А сыну моему, князю Юрию: пояс золот новые с каменьем с жемчугом без ремени, пояс золот Шышкина дела, вотола сажена.

А сыну моему, князю Андрею: снасть золота, пояс золот старый новгородский.

А сыну моему, князю Петру: пояс золот с каменьем пегии, пояс золот с калитою да с тузлуки, да наплечки, да алам.

А сыну моему, князю Ивану: пояс золот татаур, да два ковша золоты по две гривенки.

А что ся останется золото, или серебро, или иное что но есть, то все моей княгине.

А что ся останет стад моих, тем моя княгиня поделится с моими детьми по частям.

А что будет моих казначеев, или что будет моих дьяков прибыток мои от мене ведал, или посельских, или тиунов, или кто женился у тех, те все не надобе моей княгине и моим детям.

А приказал есм свои дети своей княгине. А вы, дети мои, слушайте своей матери во всем, из ее воли не выступайте ни в чем. А который сын мои не имет слушати своей матери, а будет не в ее воли, на том не будет моего благословенья.

А дети мои молодшие, братья князя Василия, чтите и слушайте своего брата старшего, князя Василия, в мое место, своего отца. А сын мои, князь Василий, держи своего брата, князя Юрия, и своих братьев младших в братстве, без обиды.

А хто моих бояр имет служити моей княгине, тех бояр, дети мои, блюдите с одиного.

А хто сю грамоту мою порушит, судит ему Бог, а не будет на нем милости Божьей, ни моего благословенья ни в сии век, ни в будущий.

А писал есм сю грамоту перед своими отци: перед игуменом перед Сергием, перед игуменом перед Севастьяном.

А туто были бояре наши: Дмитрии Михайлович, Тимофеи Васильевич, Иван Родивонович, Семен Васильевич, Иван Федорович, Олександр Андреевич, Федор Андреевич, Иван Федорович, Иван Андреевич.

А писал Внук.